Qordova

مُتعلمين اللغات غالبًا بيبدأوا مشوارهم باللف في دواير بدون نهاية وفي خلال ده بيقابلوا مناهج نظرية وكمان طرق تعليم تقليدية جدًا مُعتمدة على تلقين المعلومات في المقام الأول وبالتالي الطالب مش بيلاحظ أي تقدم في مستواه إلى جانب إنه معندوش طريق تاني يمشي فيه. وده كان سبب بدايتنا .. كوردوفا قررت تكون الوسيلة والخيار لكل شخص مش لاقى الطريق الصح، كوردوفا بتقدم لطلابها المعرفة العلمية مع طرق تدريس محترفة ومناهج مختلفة تمامًا عن أي منهج مُستخدم فى تعليم اللغة الإنجليزية. كوردوڤا عيلة بتهيأ لكل فرد فيها البيئة المناسبة مش بس علشان يتعلم ويتمكّن من اللغة بأقل التكاليف وأسهل وسائل .. لأن أنت هنا مش بس علشان تتعلم اللغة، لكن علشان تتعلم حاجة وسيلتها هي اللغة ! ولو حسيت ف مرة بالإحباط أو بالفشل هتلاقي العيلة كلها جنبك بتدعمك وبتدفعك وبتحفزك إنك تكمّل وتحوّل فشلك ده لنجاح مُبهر نفتخر بيه كلنا ! إحنا مؤمنين تمامًا إن كل شخص بيسعى إنه يلاقي المنارة اللي بتنور طريقه و بترشده للصح وكوردوفا هتكون نقطة التحول اللي هتدخل حياة كل شخص هيدخلها؛ لأنها هتقدمله أسلوب حياه مختلف، مش مجرد كورس إنجليزي وده اللي بنسميه أسلوب حياة "الكوردوفيان" كوردوڤا هتجمعلك بين الفايدة من العلم ومتعة التعلُّم، وده لأننا مش بنعتمد على التلقين كوسيلة للتعلُّم، لكن بنعتمد على إن اللغة تكون مهارة تستمتع وأنت بتتعلمها و تفضل معاك على طول وده لأننا هنحاوطك ببيئة اللغة طول الوقت وبأقل مجهود وبأفضل نتيجة. اسم كوردوفا مأخوذ من قُرطبة القديمة و اللى كانت منارة العالم كله في العلم و التعلّم وكذلك كانت من أكتر مدن العالم تقدمًا اقتصاديًا وثقافيًا وسياسيًا وماديًا قُرطبة القديمة كانت وُجهة المُتعلّمين على مستوى العالم وكوردوفا هتكون وجهة كل مُتعلّمين اللغات على مستوى العالم :).