66雲上辦館

由最初在旺角營運嘅食肆,係一次機緣巧合之下參加左美食博覽,透過呢個博覽第一次搵中央工場大量生產鋪頭嘅食物。而係博覽會度亦受到顧客嘅歡迎,短短幾日火速售罄。 但係我地只是一間寂寂無名嘅小店,要好似『食神』電影裡面咁出罐頭真係天方夜譚,談何容易呢,我地唯有利用網上銷售嘅平台,利用我地鋪頭現有客戶群,希望用人傳人方式,將鋪頭嘅美食廣傳開去。 我地主力制作即買即食嘅食品,基本上買到返屋企加熱就食得。而我地會生產一些屋企制作麻煩嘅食品,所以售賣嘅價錢仲平過你係街市買返屋企整。 另外我地亦會經常接觸不同嘅食品供應商,所以如果我地搵到任何平靚正嘅食品,都希望透過呢個平台分享俾大家。